Kompania Ford kërkon shmangien e një Brexit pa marrëveshje

epa06566509 Pro EU protesters wave a joined EU and Union flag outside of the British Parliament in Westminster, central London, Britain, 26 February 2018. Media reports state on 26 February 2018 that forecasts for the British economy are gloomy with the uncertainty over Brexit. EPA-EFE/ANDY RAIN

19:15 | 14 Shkurt 2019
Arbresh.info

Kompania ”Ford” e cila punëson 13 000 persona në Britaninë e Madhe po ushtron presion ndaj kryeministres Theresa May për të shmangur një Brexit pa marrëveshje me Bashkimin Europian, njoftoi për median një burim i afërt me çështjen.

Prodhuesi amerikan i automjeteve i ka paraqitur së fundmi May-t masat që parashikon bordi drejtues i kompanisë në rast të një Brexit të ashpër transmeton atsh. Të gjitha opsionet janë mbi tryezë, përfshirë transferimin e linjës së prodhimit nga Britania e Madhe drejt kontinetit, pasi theksoi se ishte ende shumë herët për të shprehur se çfarë masash konkrete do të merrte në përfundim kompania.

‘’Prej kohësh i kemi kërkuar qeverisë dhe parlamentit britanik që të punojmë sëbashku për të shmangur mundësinë e largimit pa marrëveshje të Londrës nga BE-ja’’, bëri të ditur sot për median zëdhënësja e kompanisë.